سادق ئامولی لاریجانی رایەگەیاندوە، قسەکانی ترەمپ سەبارەت بە ئێران و گەلی ئێران، وڕێنەکردنن، ترەمپ وادەزانێت گەلی ئێران لە بیری دەکات کە ئەوان چەندین ساڵە پاڵپشت و هاوکاری تاوانەکانی ئیسرائیلن و با دڵنیابن ناچنە بەهەشتەوە بەهۆی تاوانەکانیانەوە.

هەواڵ:KNNC


سەرۆکی مەکۆی دیاری کردنی بەرژەوەندیەکانی دەسەڵاتی ئێران، ئایەتوڵڵا سادق ئامولی لاریجانی هێرشی توندی کردوەتە سەر ترەمپ و دەڵێت؛ ئاغای ترەمپ تۆ گەلەی ئێرانت نەناسیوە، ئەوەی دەیڵێیت وڕێنەکردنە.


ئایەتوڵڵا سادق لە تۆڕی کۆمەڵایەتی ئیکس پەیامێکی بڵاوکردوەتەوە و نوسیویەتی  ترەمپ وا دەزانێت هەر زوو بیری گەلان دەسڕدرێتەوە؛ ئەوە ئێوان  چەندین ساڵە  گەورەترین پاڵپشت و هاوبەشی تاوانەکانی ئیسرائیل بوون و دەستتان بە خوێنی زیاتر لە 67 هەزار شەهید لە غەززە سوورە و ئێستا جلی ڕزگارکەرتان لەبەر کردووە!

ئاماژەی بەوەشکردوە؛ سەبارەت بە گەل و دەسەڵاتی ئێرانیش وڕێنەدەکەن، بەهۆی تاوانەکانتانەوە تۆ و هاوپەیمانەکانت کە چەندین ساڵە ستەم دەکەن و خوێن دەڕژن  ناچنە بەهەشتەوە: نە ڕاستەوخۆ و نە ناڕاستەوخۆ.

لە کۆتای پەیامەکەشێدا، ئەو بەرپرسەی ئێران ئایەتێکی قورعانی نوسیوە؛ «إِنَّ اللّهَ لَا یَهْدِی الْقَوْمَ الظَّالِمِینَ»، کە ماناکەشی ئەوەیە بە راستی خودا هیدایەتی قەومی خراپ نادات.