دۆناڵد ترەمپ سەرۆکی ئەمەریکا،ڕایگەیاند ئیسرائیل و حەماس قۆناغی یەکەمی پلانی ئاشتیان واژۆ کردووە و پێشبینیش دەکات رۆژی دوو شەممە بارمتەکان ئازادبکرێن.

هەواڵ:KNNC

دۆناڵد ترەمپ، سەرۆکی ئەمەریکا، لە تویتێکیدا لە تۆڕ کۆمەڵایەتی "تروس"، کە خۆی خاوەندارێتی دەکات، نوسیویەتی؛ شانازی دەکات کە ڕایدەگەیەنێت ئیسرائیل و حەماس هەردووکیان لەسەر قۆناغی یەکەمی پلانی ئاشتی ڕازی بوون.

هەروەها نوسیویەتی ئەمە بەو مانایەیە کە زۆر بە زووی بارمتەکان ئازاد دەکرێن و ئیسرائیل هێزەکانی دەکشێنێتەوە بۆ ئەو هێڵانەی ه ڕێککەوتنی لەسەر کراوە وەک هەنگاوی یەکەم بۆ جێبەجێکردنی قۆناگێ یەکەمی ئاشتی.

سەرۆکی ئەمەریکا بە "فۆکس نیوز"ـی راگەیاندوە؛ پێشبینی دەکات ڕۆژی دووشەممە، حەماس  بارمتەکان و تەرمەکانیش رادەست بکات و  وڵاتەکەی  بەشێک دەبێت لە جێبەجێکردنی پڕۆسەی ئاشتی و ئاوەدانکردنەوەی غەززە.

ترەمپ رێکەوتنەکەی بە ڕۆژێکی گەورە بۆ جیهانی عەرەبی و  ئیسرائیل وەسفکردوە و وتویەتی پەیوەندییەکی باشیشم لەگەڵ بنیامین نەتانیاهۆ ئەنجامداوە\ و سوپاسی ناوبژیوانانی قەتەر و میسر و تورکیاشی کردوە  کە لەگەڵیان کاریان کردووە بۆ بەدیهێنانی ئەم ڕووداوە مێژوویی و بێ وێنەیە.