ئەمڕۆ سێشەممە لە دوای کردنەوەی بازاڕەکانی ئاسیا نرخی زێڕ بەردەوام رووی لەهەڵكشان كردو ئەم پاش نیوەرۆیەش نرخی ئۆنسەیەك گەیشتە  3980 دۆلار.

هەواڵ: KNN

 بانکی گۆڵدمان ساکس پێشبینییەکانی بۆ کۆتایی ساڵی داهاتوو بەرزکردووەتەوە بۆ 4900 دۆلار لەكاتێكدا پێشتر لەو بڕوایەدا بوو لەمانگی 12ی ساڵی داهاتودا نرخی زێڕ دەگاتە 4300 دۆلار.

شرۆڤەکارانی گۆڵدمان ساکس و جەی بی مۆرگان پێشبینی دەکەن لە ساڵی 2026دا زێڕ بۆ هەر ئۆنسەیەک پێنج هەزار دۆلار تێپەڕێنێت ئەگەر سیاسەتەکانی کەمکردنەوەی ڕێژەی سوود بەردەوام بێت و بەهای دۆلاریش دابەزێت.

زێڕ لە باشترین کاڵاکانی ئەمساڵدایە، کە لە سەرەتای 2025ەوە زیاتر لە 30% بەرزبووەتەوە و لەم هەفتەیەشدا بەرزترین ئاستی نوێی تۆمارکرد، ئەوەش لەکاتێکدایە کە لە بازاڕی جیهانی بۆندەکاندا  بڕێكی زۆر زێڕ فرۆشراون.