بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، پێشبینییەکانی کەشوهەوای بۆ ٤٨ کاتژمێری داهاتوو بڵاوکردەوە و ڕایدەگەیەنێت، ئاسمان بە گشتی ساماڵ دەبێت و پلەکانی گەرماش کەمێک نزم دەبنەوە.

بەپێی ڕاگەیەندراوەکەی کەشناسیی هەرێم، ئەمڕۆ یەکشەممە (26ی تەممووزی 2026)، ئاسمان ساماڵ دەبێت، خێرایی با لەسەرخۆ دەبێت لە نێوان 5 بۆ 10 کیلۆمەتر لە کاتژمێرێکدا بە ئاراستەی باکووری ڕۆژهەڵات، هەروەها پلەکانی گەرما بەراورد بە ڕۆژی پێشووتر کەمێک نزم دەبنەوە. مەودای بینین لە نێوان 8 بۆ 9 کیلۆمەتردا دەبێت. بەرزترین پلەی گەرما لە گەرمیان دەبێت کە 44 پلەی سیلیزییە، و نزمترینیش لە حاجی ئۆمەران دەبێت بە 30 پلەی سیلیزی. لە سەنتەری شارەکانیش پلەکانی گەرما بەم شێوەیە دەبن: هەولێر 40، سلێمانی 39، دهۆک 39، و هەڵەبجە 41 پلەی سیلیزی.

کەشناسیی هەرێم سەبارەت بە کەشوهەوای سبەینێ دووشەممە ئاماژەی بەوە کردووە، ئاسمان بە هەمان شێوە ساماڵ دەبێت، بەڵام خێرایی با کەمێک زیاد دەکات و دەبێتە مامناوەند کە دەگاتە 10 بۆ 20 کیلۆمەتر لە کاتژمێرێکدا. مەودای بینین فراوانتر دەبێت بۆ 9 تا 10 کیلۆمەتر، و پلەکانی گەرماش نزیک دەبن لە پلەکانی ئەمڕۆ. بەرزترین پلەی گەرما لە گەرمیان بۆ 45 پلەی سیلیزی بەرز دەبێتەوە. پلەکانی گەرمای شارە سەرەکییەکانیش بۆ سبەینێ بەم جۆرە پێشبینی کراون: هەولێر 40، سلێمانی 40، دهۆک 39، و هەڵەبجە 41 پلەی سیلیزی.