وەزارەتی
ئەوقاف و کاروباری ئایینیی هەرێمی کوردستان بڕیاریدا، ئەو کەسانەی لە پرۆسەی حەجدا
وەک یەدەگ ناویان دەرچووبوو، بۆ ساڵی 2027 بە دەرچوو هەژمار بکرێن و پێویست بە
خۆتۆمارکردنەوە ناکات.
کاروان ستوونی،
وتەبێژی بەڕێوەبەرایەتیی گشتیی حەج و عومرەی کوردستان ڕایگەیاند: لەپێناو
بەرژەوەندیی گشتی و بە فەرمانی د. پشتیوان سادق، وەزیری ئەوقاف و کاروباری ئایینی،
سەرجەم ئەو هاووڵاتییانەی ساڵی ڕابردوو نامەیان بۆ گەڕاوەتەوە، یان لە سیستەمدا بە
جێگرەوە (یەدەگ) ناویان هاتبوو، بۆ حەجی ساڵی 2027 وەک دەرچوو هەژمار دەکرێن.
وتەبێژی حەج و
عومرە ئاماژەی بەوەش کرد، لە ماوەیەکی نزیکدا دەست بە ڕێکارەکان و مامەڵەی ئەو
کەسانە دەکرێت، بۆیە داواکارن ئەو هاووڵاتییانە بۆ پرۆسەی حەج جارێکی دیکە و
سەرلەنوێ ناوی خۆیان تۆمار نەکەنەوە.
120 جار خوێندراوەتەوە