دوای کۆبونەوەیان لەگەڵ عەبدوڵا ئۆجەلان، لە دورگەی ئیمڕاڵی شاندی دەمپارتی ڕاگەیەندراوێکیان بۆ رایگشتی بڵاوکردەوە و ئاماژەیان بەوەکردوە عەبدوڵا ئۆجەلان تەندروستی باشە و ورەی زۆر بەرزە.


هەواڵ:KNNC

ئەمڕۆ شەممە، شاندی دەم پارتی ڕاگەیەندراوێکیان لەسەر سەردانەکەیان بۆلای عەبدوڵا ئۆجەلان بڵاوکردەوە و تێێدا هاتوە؛ سێکتژمێر و نێو لەگەڵ ئۆجەلاندا گفتوگۆمان کرد.

ئاماژەیان بەوەکردوە، ئۆجەلان متمانەی بەزری بەخۆی هەبوە  و ڕایگەیاندوە کە پڕۆسەی ئاشتی و کۆمەڵگەی دیموکراتیک کە ساڵی ڕابردو دەستی پێکرد شەڕ و ململانێکانی لە وڵاتدا ڕاگرتووە و ڕێگری لە زۆر مەترسی گەورە کردووە، هەر کەسێک لەمەدا ڕۆڵی هەبووە خاوەن ڕەنجێکی بەشکۆ و گەورەیە.

هەروەها پێشنیازیشی کردوە کە دانوستان بە شێوازێکی سەردەمیانە و دیموکراتانە لە هەموو پەیوەندییە سیاسی و کۆمەڵایەتییەکاندا زاڵ بێت.

وتوشیەتی؛ شارستانییەت دوای سێ سەدە لە ململانێی وێرانکەر و زیانی گەورە لە شەڕە جیهانییەکاندا، دیموکراسی دانوستانکاری وەک مۆدێلێکی چارەسەری گرنگ پەرەی پێداوە، ئەم شێوازە دەبێت بنەما بێت بۆ چارەسەرکردنی کێشە ناوخۆیی و دەرەکییەکانی تورکیا.

ئۆجەلان جەختیشیکردوەتەوە لەوەی  ئەوان لە پاڵ قسەکەی خۆیاندا وەستاون ،کە پەرەسەندنی ئەم پرۆسەیە پەیوەستە بە مەرجە سیاسی و یاساییەکانەوە، هەروەها وتوشیەتی و  لەم قۆناغەدا زۆر گرنگە مەرجە یاساییەکان بە تێڕوانینێکی دروست و یەکگرتوو دەستنیشان بکرێت و جێبەجێ بکرێت و پێویستە سەدەی نوێی کۆمار دەبێت لەسەر بنەمای یاسای ئاشتی و دیموکراسی بنیات بنرێت.