تورکیا  بەبڕیارێكی رەجەب تەیب ئەردۆغان سەرۆكی وڵاتەكەی  سەروەت و سامانی 20 كەسایەتی و 18 قەوارەو دامەزراوەی ئێرانی کە پەیوەندییان بە چالاکییە ئەتۆمییەکانی ئێرانەوە هەیە بلۆككرد.

هەواڵ: KNN

بەپێی میدیاكانی توركیا  بلۆككردنی  قەوارەو دامەزراوەكان هەریەك لە  دامەزراوە ئەتۆمییەکانی ئێران، کۆمپانیاکانی کەشتیوانی، کۆمپانیاکانی وزە و ناوەندەکانی توێژینەوەی گرتوەتە  لەوانە ڕێکخراوی وزەی ئەتۆمی ئێران، بانکی سپا، بانکی سپای نێودەوڵەتی، ناوەندی لێکۆڵینەوە و بەرهەمهێنانی سوتەمەنیی ئەتۆمی ئیسفەهان، ناوەندی تەکنۆلۆژیای ئەتۆمی ئیسفەهان، ناوەندی لێکۆڵینەوەی ئەتۆمی کەرەج، ناوەندی لێکۆڵینەوەی کشتوکاڵی و پزیشکیی ئەتۆمی، کۆمپانیای کەشتیوانی ئێران – هیندستان، کۆمپانیای وزەی نۆڤین، کۆمپانیای پارس تراش، کۆمپانیای جابر بن حەیان، کۆمپانیای پیشەسازیی وزەی پیشگام، هێڵی کەشتیوانی لە باشووری ئێران .

هەرچی كەسایەتیەكانیشە  كە سەروەت و سامانیان لەلایەن تورکیەوە بلۆككراوە ، هەریەك لە بەهمەن عەسکەرپوور، محەمەد فیدایی ئاشیانی، عەباس ڕەزایی ئاشیانی، هالە بەختیار، مورتەزا بێهزاد، حوسێن حوسێنی و ژمارەیەكی تر.