لەكویت تیرۆریستێكی داعشی دەستگیر كرا كە بەنیازی تەقینەوە بووە و لەبنەبڕەتیشدا  خەڵكی میسرە

هەواڵ: KNN

وەزارەتی ناوخۆی کوەیت ڕایگەیاند کە دەزگای ئاسایشی وڵاتەكەیان هاوڵاتیەكی میسری  سەر بە گروپی تیرۆریستی داعش دەستگیر كردوە  کە بەنیازبوە  هێرش و تەقینەوەی تیرۆریستی ئەنجام بدات و پەستگەكان لەو وڵاتە بکاتە ئامانج.

وەزارەتەكە لەراگەیەنراوێكیدا بڵاویكردوەتەوە پێشوەختە زانیاری هەواڵگری لەسەر تۆمەتبارەكە كۆكراوەتەوە كە بەنیازبووە ئاسایش و سەقامگیری كوەیت لەباربەرێت. 

وەزارەتەکە ئاماژەی بەوەشکردوە  ئەو تیرۆریستە  چەندین ئامێر و کەرەستەی بەکارهێنراو لە دروستکردنی تەقەمەنیدا لە شوێنی نیشتەجێبوونیدا دۆزرایەوە، جگە لە ڕێنماییەکان سەبارەت بە چۆنیەتی ئامادەکردن و بەکارهێنانیان، ئەمەش سەلمێنەری جددیەتی ئەو پیلانەی کە بەنیازی جێبەجێكردنی بووە.