سەرۆكی توركیا بەزمانێكی
زبر باس لە رۆژئاوای كوردستان دەكات و بەمایەی هەڕەشە بۆ سەر وڵاتەكەی دەزانێت.
هەواڵ:KNNC
ڕەجەب تەیب ئەردۆغان،
سەرۆککۆماری تورکیا ڕایگەیاند، بەبۆنەی دەستپێكردنەوەی كارەكانی پەرلەمانی وڵاتەكەی
وتارێكی پێشكەشكردو تیایدا رایگەیاند: ئەگەر هەوڵە دیپلۆماسییەکان بۆ جێبەجێکردنی ڕێککەوتنی
یەکگرتن لە نێوان هێزەکانی سوریای دیموکرات بە سەرۆکایەتی کورد و حکومەتی سوریا
شکستی هێنا، ئەنقەرە ڕێگە نادات سوریا پارچە پارچە بێت یان یەکپارچەیی خاکەکەی بكەوێتە
ژێر مەترسییەوە.
راشیگەیاند: ئەنقەرە هەموو
کەناڵە دیپلۆماسییەکانمان بەکارهێناوە بۆ پاراستنی یەکپارچەیی خاکی سوریا و ڕێگریکردن
لە دروستبوونی قەوارەیەکی تیرۆریستی لەنزیك سنوورەکانمانەوە.
ئاماژەی بەوەشکرد، ئەگەر
دەستپێشخەرییە دیپلۆماسییەکان بێ وەڵام بمێننەوە، ئەوا سیاسەت و هەڵوێستی تورکیا ڕوونە،
تورکیا ڕێگە نادات ئەو ئەزموونە لە سوریا دووبارە ببێتەوە.
387 جار خوێندراوەتەوە