وەزارەتی نەوتی عێراق، ئاماری بڕی فرۆشتنی نەوت و  داهاتی نەوتی بۆ مانگی ئابی رابردو ئاشکراکرد و لەو مانگەدا 105 ملیۆن بەرمیل نەوت فرۆشراوە و داهاتەکەشی حەوت ملیار دۆلار زیاتر بوە.

ئابوری: KNNC

ئەمڕۆ دووشەممە، وەزارەتی نەوتی عێراق ڕاگەیەندراویكی بڵاوکردوەتەوە و تێیدا هاتوە؛ زیاتر لە 104 ملیۆن بەرمیل نەوت هەناردەکراوە و داهاتەکەشی زیاتربوە لە حەوت ملیار دۆلار.

بە گوێرەی ڕاگەیەندراوەکە، کۆی گشتی هەناردەکردنی نەوت و داهاتی بەدەست هاتوی بۆ مانگی ئابی رابردو کە لە ڕێگەی سۆمۆوە فرۆشراوە بریتییە لە؛ بڕی 104 ملیۆن و 806 هەزار و 884  بەرملی نەوتی خاو.

ئاماژەیان بەوەشکردوە، داهاتی ئەو بڕە نەوتە حەوت ملیار و 160 ملیۆن دینار و 253 هەزار دۆلار بوە.

وەزارەتی نەوتی عێراق ئاماژەی بەوەشکردوە، خستنەڕوی ئەم داتایانە، لەسەر بنەمای ئەوەیە خەڵک ئاگاداری پڕۆسەی هەناردەی نەوت بێت لە وڵاتەکەدا.