ئۆپراسیۆنی داگیرکردنی تەواوەتی غەززە،  ئەمڕۆ چوەتە ڕۆژی پێنجەمەوە، سەرەڕای وێرانکارییەکان، میدیاکانی ئیسرائیل ئاشکرای دەکەن، حەماس سەرکەوتوبوە لە چاککردنەوەی بەشێک لە تونێلەکان و سەریان لە  سوپای ئیسرائیل شێواندوە.


هەواڵ:KNNC

ئەمڕۆ شەممە، ئۆپراسیۆنەکانی سوپای ئیسرائیل بۆ داگیرکردنی تەواوەتی شاری غەززە چوەتە ڕۆژی پێنجەمەوە و میدیاکانی ئەو وڵاتەش لەزاری سەرچاوە ئەمنییەکانەوە ئاشکرایان کردوە زیاتر لە 10 هەزار ئامانج لە شاری غەززە وێرانکراون.


بە پێی ڕاپۆرتی کەناڵی 12ی ئیسرائیل، ئۆپەراسیۆنەکانی سوپای ئیسرائیل  ئەمانەی خوارەوەی لێکەوتوەتەوە؛

- 150 هەوڵی بە ئامانجگرتنی فەرماندەکان و چەکدارانی حەماس لە غەززە.

- لە کۆی سێ هەزار و 500 باڵەخانە لە ناو غەززەدا،  زیاتر لە 200 باڵەخانە بەتەواوەتی  وێرانکراون

- هەر باڵەخانەیەک گومانیان هەبێت حەماسی تێدایە وێرانی دەکەن و سوپای ئیسرائیل جەختیان کردوەتەوە کە حەماس باڵەخانەکان بەکاردەهێنێت.

- حەماس هەندێک لە تونێلەکانی نۆژەنکردۆتەوە کە پێشتر لە ئۆپراسیۆنەکاندا وێران ببون، ئەمشە بوەتە هۆی سەرلێشێواندی سوپای ئیسرائیل


- بە هۆی بونی گومان لە بونی بارمتەکان لە تونێلەکاندا لە چەند ڕۆژی ڕابردو سوپای ئیسرائیل هێرشی بۆسەر تونێلەکان راگرتوە.

-پەیوەندی نێوان هێزی ئاسمانی و هێزی زەمینی لە هەمو کاتێک نزیکترە و لە هەندێک حاڵەتدا هێرشەکان لە دوری کەمتر لە 100مەتر لە سەربازەکانەوە ئەنجام دەدرێن.

- لەو پێنج ڕۆژەدا بە هێرشی ئاسمانی و زەمینی زیاتر لە 10 هەزار ئامانج لەناو غەززەدا وێرانکراون.