دوای ئەوەی مێردمنداڵێکی دانیشتوی هەرێم، دەگاتە ئیتاڵیا و نزیکەی دوو هەفتە چارەنوسی نادیار دەبێت وپەیوەندی بە خانەوادەکەیەوە نامێنێت، جوانڕۆ محەمەد پەرلەمانتارلە فراکسیۆنی گۆڕان بەدواداجونی بۆ دەکات و لە ماوەی حەوت ڕۆژدا بە هاوکاری چەند لایەنێکی دیکە مێرمنداڵە 13 ساڵانەکە بە خانەوادەکەی شادەکەنەوە.

هەواڵ:KNNC

ئەمڕۆ سێشەممە، جوانڕۆ محەمەدی پەرلەمانتارلە فراکسیۆنی گۆڕان، بە دیجیتاڵ میدیایی کەی ئێن ئێن ڕاگەیاند، توانیویانە بە هاوکاری مانگی سوری ئیتاڵی، ئەحمەد نوری و هەوراز باباجان، مێرمنداڵێکی تەمەن 13 ساڵان، کە نزیکەی دوو هەفتە بێ سۆراخ بو، بە خانەوادەکەی شادبکەنەوە.

 ناوبراو باسی لەوەشکرد کە مێرمنداڵەکە خەڵکی سنوری دەڤەری راپەرینە و ڕێگەی کۆچی گرتبوەبەر و گەشتبوە ئیتاڵیا و چارەنوسی نادیار بو، بەجۆرێک هیچ پەیوەندیەکی بە خانەوادەکەیەوە نەمابو.

جۆانڕۆ محەمەد دەشڵێت؛ دوای بەگەرخستنی پەیوەندییەکانیان و بە هەوڵی مانگی سوری ئیتاڵی و ئەحمەد نوری هەوراز باباجان توانیویانە بە خانەوادەكەی شادی بكەینەوە.

 دوای دۆزینەوەی مێرمنداڵەکە، توشی کێشە و گرفتی یاسای ببو، ئەوان توانیویانە بۆی چارەسەربکەن بۆ ئەوەی بگەڕێتەوە هەرێم و بە خانەوادەکەی شادببێتەوە. جوانڕۆ محەمەد ئەمەشی وت.

لەبارەی ناوی مێرمنداڵەکەوە ئاماژەی بەوەدا خانەوادەکەی ویستیان بوە ناوی ئاشکرا نەکرێت و ئەوانیش ڕێزیان لەو داخوازییەیان گرتوە ، ئەوەی گرنگە شادبونەوەیانە بەیەکتری.

هەروەها جەختی لەوەکردەوە چیرۆکی ئەم مێرمنداڵە، چیرۆکی 100دان هاوڵاتی دیکەی هەرێمە کە لە سایەی  ئەو بێ ئومێدی و نادادییەی لە هەرێم دروستکراوە لەلایەن دەسەڵاتی بێباکەوە،  ڕێگەی مان و نەمانی کۆچ دەگرنەبەر بە مەبەستی ژیانێکی شایستەتر.