سەرچاوەیەک لە وەزارەتی دارایی هەرێم بە كەی ئێن ئێنی راگەیاند، 48 ملیار دیناری داهاتی ناوخۆ لە داهاتی سلێمانی بۆ تەواوکاری 120 ملیار دینارەکە ئامادەیە و هەرکات وەزارەت ئاگادار کرایەوە دەخرێتە سەر هەژماری بانکی وەزارەتی دارایی عێراق.

هەواڵ: KNNC

.
سەبارەت بە بابەتی نەوت ئاماژەی بەوەکردووە، 130 هەزار بەرمیل نەوت ئامادەیە و دەتوانن 80 هەزار بەرمیل هەناردە بکەن، بەڵام قەرزی کۆمپانیاکان کە ملیارێک دۆلارە کێشە سەرەکییەکەیە لەگەڵ کرێی گواستنەوەی نەوت، تا رۆژی یەکشەممەی داهاتوو چارەسەری گرفتی کۆمپانیاکان دەکرێت و بەغدا لە 10رۆژی کۆتایی ئەم مانگەدا بڕیاری خەرجکردنی مووچەی مانگی شەش دەدات.

هاوکات سەرچاوەیەك لە شاندی هەرێم بە كەی ئێن ئێنی ڕاگەیاند: گەورە راوێژکارێکی سودانی پێی وتون "ئەو مووچانەی کە مووچەخۆرانی هەرێم وەریان نەگرتووە وەک مووچەی مانگی حەوت و هەشت بە ئەمانەت لەلایە بەغدا هەڵگیراوە، بەڵام بڕیاری سیاسی پێویستە بۆ خەرجکردنی بە مەرجێکیش خاڵەکانی رێککەوتنەکە جێبەجێبکرێت، ئەگەر بڕیارێکی سیاسی بۆ رێککەوتنی کۆنکرێتی لەنێوان هەرێم و بەغدا نەکرێت ئەوا چاوەڕێی فەوتانی مووچەی مانگی 10 و 11و 12ش دەکەین.

جەختیکردووەتەوە، ئەگەر لە هەفتەی داهاتووەوە نەوت هەناردە بکرێت و ئەم مانگە بەرهەمهێنانی نەوت بچێتەوە 280 هەزار بەرمیل نەوت و بەبەردەوامی بەغدا و هەرێم لەسەر داهاتی ناوخۆ رێکبکەون، مووچە نافەوتێت.

بڕیار نامیق - سلێمانی