ئاسایشی سلێمانی بڵاویکردوەتەوە، دوای ئەوەی دوو کەس بە تۆمەتی کوشتنی منداڵێکی خاوەنپێداویستی تایبەت لە پارێزگای دیالەوە تۆمەتباردەکرێن،  ڕودەکەنە هەرێمی کوردستان و  توانیویانە لە قەزای چەمجەماڵ دەستیگریان بکەن.

هەواڵ:KNNC

ئێوارەی ئەمڕۆ دوشەممە، ئاسایشی سلێمانی بڵاویکردوەتەوە،  توانیویانە لە قەزای چەمچەماڵ دوو تۆمەتبار دەستگیر بکەن کە منداڵێکی خاوەنپێداویستی تایبەتیان لە پارێزگای دیالە کوشتوە.


ئاماژەیان بەوەشکردوە، دوو تۆمەتبارەکە  کە ژن و مێردن، منداڵێکی خاوەنپێداویستی تایبەتیان بەخێوکردوە و لە ڕێکەوتی  7-8-2025، هەواڵی کوشتنی منداڵەکە بڵاوکراوەتەوە و تۆمەتبارەکان بەرەو هەرێمی کوردستان هەڵاتون.

دەشڵێن، بەپێدانی زانیاری هەواڵگری لەلایەن  هەواڵگری عێراقەوە، دەستبەجێ بەڕێوەبەرایەتی گشتی ئۆپراسیۆنەکانی ئاسایش بەدواداچون و لێکۆڵینەوەی وردیان بۆ دۆزینەوەی شوێنی تۆمەتباران ئەنجامداوە و توانیویانە لە قەزای چەمچەماڵ دوو تۆمەتبارەکە دەستگیر بکەن.


لەئێستادا تۆمەتباران بە ماددەی(405) لەیاسای سزادانی عێراقی ڕاگیراون و لێکۆڵینەوە لەدۆسیەکانیان بەردەوامە و و بەپێی تایبەتمەندی کەیسەکە دوای لێکۆڵینەوە هەردوکیان ڕادەستی هێزە ئەمنیەکانی عێراق دەکرێنەوە.