لە ئاکامی زنجیرەیەک ھێرش و بۆردومانی سوپای ئیسرائیلدا بۆ سەر چەند ناوچەیەکی کەرتی غەززە، 41 فەڵەستینی کوژران.

هەواڵ:KNNC

بەرەبەیانی ئەمڕۆ یەکشەممە، سوپای ئیسرائیل زنجیرەیەک ھیرشی کردووەتە سەر چەند ناوچەیەکی باکوور و باشووری کەرتی غەززە.

لە میانی ھێرشەکاندا، ژمارەیەک خانو و خێوەتی ئاوارە فەڵەستینییەکان لە چەند ناوچەیەکی باکوور و باشووری کەرتی غەززە، لەلایەن سوپای ئیسرائیلەوە بۆردومان کراون.

ھاوکات چەند سەرچاوەیەکی پزیشکی ڕایانگەیاند: کە لە ئاکامی بۆردومانەکاندا، 41  فەڵەستینی کوژراون و ژمارەیەکی دیکەش برینداربون.