لە کۆبونەوەی ئەمڕۆی ئەنجومەنی وەزیرانی عێراق رەشنوسی رێکەوتنی نێوان هەرێم و بەغداد تاوتوێ دەکرێت و بڕیار لەبارەی موچەی مانگی پێنجی فەرمانبەرانەوە دەدرێت.

هەواڵ:KNNC

بەپێی زانیارییەکانی دیجیتاڵ میدیای کەی ئێن ئێن، لە کۆبونەوەی ئەمڕۆی ئەنجومەنی وەزیران رەشنوسی رێککەوتنی نێوان هەرێم و بەغداد تاوتوێ دەکرێت و چاوەڕوان دەکرێت کە بکرێتە بنەمای رێککەوتنێکی نوێ و لەسەر ئەو بنەمایش بڕیار لە خەرجکردنی موچەی مانگی پێنجی فەرمانبەرانی هەرێم بدرێت.

هەر بەپێی زانیارییەکان، ئەوەی دەمێنێتەوە، پرسی تێچوی بەرهەمهێنان و حەقدەستی کۆمپانیا نەوتییەکان دەبێت، کە بڕیارە ئەم هەفتەیە بە ئامادەبونی کۆمپانیا نەوتییەکان و وەزارەتی سامانە سروشتییەکانی هەرێم و وەزارەتی نەوتی عێراق، گفتوگۆیان لەبارەوە بکرێت.


سلێمانی – بڕیار نامیق