دامەزراوەی میدیایی گۆڕان: بە مەبەستی خۆئامادەکردن بۆ وەرزی
نوێ لە یەکی تەمموزەوە پەخشی کەناڵی رادەگیرێت
هەواڵ: (KNNC)
دامەزراوەی میدیای گۆڕان ڕایگەیاند: بە ئامانجی خۆئامادەکردن بۆ
وەرزێكی نوێی کارکردنی کەناڵی کەی ئێن ئێن، لە یەكی تەمموزی ئەمساڵەوە بینەران دەتوانن
لەڕێگای پلاتفۆڕمەکانی دیجیتاڵ میدیای کەی ئێن ئێن و ڕادیۆی گۆڕانەوە بینەر و بیسەری
هەواڵ و زانیارییەکان بن.
دامەزراوەی میدیای گۆڕان لە ڕاگەیەنراوێكدا بڵاوی کردەوە: بینەرانی
کەناڵی کەی ئێن ئێن ئاگادار دەکاتەوە، کە دامەزراوەی میدیایی بزوتنەوەی گۆڕان، بە
ئامانجی خۆئامادەکردن بۆ وەرزێكی نوێی کارکردنی کەناڵی کەی ئێن ئێن، لە هەوڵی نوێکردنەوەی
هەواڵ و بەرنامەکان و ڕێكخستنەوەی دامەزراوە میدیاییەکانیەتى.
ئاماژە بۆ ئەوەشدەكات؛ لە یەکی تەمموزی 2025ـەوە تا تەواوبونیی
ئامادەکارییەکان، بینەران دەتوانن لە پلاتفۆڕمەکانی دیجیتاڵ میدیایی کەی ئێن ئێن و
ڕادیۆی دەنگی گۆڕان بینەر و بیسەری نوێتری هەواڵ و زانیارییەکان بن.
397 جار خوێندراوەتەوە