بەڕێوەبەری گشتی ئاژانسی نێودەوڵەتی وزەی ئەتۆم هۆشدرای دەدەت و دەڵێت: ئەگەر هێرش بكرێتە سەر دامەزراوەی ئەتۆمی بوشێهر دەرئەنجامە کارەساتبارەکانی لێدەكەوێتەوە.


هەواڵ: (KNNC)


لەسەر هێرش كردنە سەر دامەزراوە ئەتۆمییەكان و لە وتارێكدا لە ئەنجومەنی ئاسایش رافایل گرۆسی،  بەڕێوبەری گشتی ئاژانسی نێودەوڵەتی وزەی ئەتۆمی، هۆشداریدا بە ئیسرائیل و ئێران كە؛ هەر هێرشێک بكرێتە سەر دامەزراوەی ئەتۆمی بوشێهر دەرئەنجامێكی کارەساتباری لێدەكەوێتەوە.


وتیشی: ئەگەر دامەزراوەی ئەتۆمی بوشێهر بەئامانج بگیرێت، بەو پێیەی کە مادەی ئەتۆمی تێدایە دەبێتە هۆی بڵاوبونەوەی تیشكی و لێکەوتەی کارەساتبار روبەڕوی دانیشتوانی تاران دەكاتەوە.


رونیكرەوە؛ هیچ تیشکێکی ئەتۆمی لە دامەزراوەکانی ئێران دەستنیشان نەکراوە، بەڵام ئەگەری پیسبون بەکیمیایی و تیشکدەر لە دامەزراوە ئەتۆمییەکەی ناتانزدا ماوە و نەڕەویوەتەوە.


بەڕێوبەری گشتی ئاژانسی نێودەوڵەتی وزەی ئەتۆمی ئاماژەی بۆ ئەوەشكرد، ئەگەر ئیرادەی سیاسی هەبێت چارەسەرێکی دیپلۆماسی لە دەستیاندایە، دەتوانرێت رێككەوتن لەگەڵ ئێران بكرێت و پشكنەرەكان توانای پشکنینەكانیان دەستپێبكەنەوە.