جارێكی دیكە فڕۆكە جەنگییەكانی توركیا بۆردومانی گوندەكانی مێژێ،
کەونەمژێ، سپیدار و گرگاشێ-یان كرد و
بەهۆیەوە ئاگرێکی گەورە كەوتەوە.
هەواڵ: (KNNC)
پەیامنێری كەی ئێن ئێن رایگەیاند: ئەمرۆ هەینی (20ـی حوزەیرانی
2025) جارێكی دیكە فڕۆكە جەنگییەكانی توركیا بەچڕی بۆردومانی زەوی گوندەكانی مێژێ، کەونەمژێ، سپیدار، گرگاشێیان لە سنوری
ئامێدی کردوە و بەهۆیەوە زیانی گەورە بەرەز و پاوانی خەڵكی ناوچەكە كەوتوە.
وتیشی: لەئەنجامی بۆردومانكردنی گوندەكانی ئامێدی ئاگریکی گەورە
دروست بوە و دڵەڕاوكێی زۆری بۆ هاوڵاتیانیش دورست كردوە.
بۆردمانەكانی توركیا لەكاتێكدایە كە، چەند مانگێكە پرۆسەی ئاشتی
لە تورکیا راگەیەندراوە و لەو چوارچێوەشدا پارتی كرێكرانی كوردستان (پەكەكە) خۆی
هەڵوەشاندوەتەوە، بەڵام سوپای توركیا بەردەوام بۆردومانی سنوری پارێزگای دهۆک
دەكات.
دهۆك - مەسعود هادی
170 جار خوێندراوەتەوە