تەندروستی دهۆك بڵاویكردەوە؛ بۆ رێگریكردن لە بڵاوبونەوەی تای خوێنبەربون، بڕیاریان داوە كە هاوردەكردنی مانگا، مەڕ و بزن قەدەغە بكرێت.


هەواڵ: (KNNC)


ئەمڕۆ شەممە، بەڕێوەبەرایەتی تەندروستیی گشتیی دهۆک، رایگەیاند: بەمەبەستی رێگریكردن لە نەخۆشی تای خوێبەربون، بڕیاریان داوە كە لە ئەمڕۆوە هاوردەكردنی مانگا، مەڕ و بزن بۆ  پارێزگاکە  قەدەغە بکرێت و بۆ جێبەجێكردنی بڕیارەكەش بە نوسراوی فەرمی سەرجەم بازگە و دەروازەکانیان ئاكاداركردوەتەوە.


ئاماژەی بۆ ئەوەشكرد، لەسەر بنەمای ئەو مەترسیانە و لەپێناوی پاراستنی تەندروستیی هاوڵاتیان، لە نوسراوەكەیاندا داوایان لە لایەنی پەیوەندیدارەکان كردوە بەهەمو شێوەیەك رێگری لە هاوردەكرنی هەمو جۆرە ئاژەڵێکی گەورە و بچوک بۆ ناو پارێزگاکە بكەن.


لەماوەی رابردودا تەندروستیی دهۆک سێ حاڵەتی توشبون بە تای خوێنبەربونی لە پارێزگاكە راگەیاند كە پاش ماوەیەك یەكێك لەتوشبوان گیانی لەدەستدا.