سەرۆك كۆماری ئێران رایدەگەیەنێت: وڵاتەكەی ویستی
بەرهەمهێنانی چەكی ئەتۆمی نییە و جەخت دەكاتەوە كە بەرنامە ئەتۆمییەكەیان لە بواری
ئاشتیدا بەكاردەهێنن.
هەواڵ: (KNNC)
ئەمڕۆ شەممە، مەسعود پزیشكیان، سەرۆك كۆماری ئێران
رایگەیاند: سەرباری ئەوەی وڵاتەی توانی بەرهەمهێنانی چەكی ئەتۆمی هەیە، بەڵام
لەلایەن رابەری باڵاوە فتوای حەرامكردنی دراوە و تاران ویستی نییە ئەو جۆرە چەكە
بەرهەمبهێنێت.
ئاماژەی بۆ ئەوەشكرد، كۆماری ئیسلامی ئێران بەرنامە
ئەتۆمییەكەی لەبواری ئاشتیدا و بۆ بەدەستهێنانی وزەی كارەبا بەكاردەهێنێت.
رۆژی چوارشەممەی هەفتەی رابردو، عەلی خامنەیی، رابەری
شۆڕشی ئیسلامی ئێران رایگەیاند: پیتاندنی یۆرانیۆم بۆ پرۆگرامی ئەتۆمی ئێران
پێویستە، بۆیە هەرگیز واز لە پیتاندنی یۆرانیۆم ناهێنن و جەختیشكردەوە كە تاران
هەوڵی خاوەندارێتی چەکی ئەتۆمی نادات.
پێشتر، محەممەد ئیسلامی، سەرۆکی رێکخراوی وزەی ئەتۆمی
ئێران رایگەیاند: بەرنامە ئەتۆمی وڵاتەكەی لەبواری ئاشتیدا بەكاردەهێنێت، یەكێك
لەو وێستگانەش لە بوشێهرە كە توانای بەرهەمێهانی هەزار مێگاوات كارەبای هەیە و لە
ساڵی رابردودا (7.3) ملیار کیلۆ وات کارەبای بەرهەمهێناوە.
167 جار خوێندراوەتەوە