بزوتنەوەی گۆڕان رایدەگەیەنێت: راگرتنی شایستە داراییەکانی هەرێم، لەلایەن وەزارەتی دارایی حکومەتی ئیتحادییەوە؛ پێشێلکردنی ئاشکرای دەستوری عێراقە و دەشڵێت: پشتیوانی مافە سەرەتاییەکانی فەرمانبەرانی هەرێم دەكەن.

هەواڵ: (KNNC)

لەسەر راگرتنی موچەی مانگی پێنجی موچەخۆرانی هەرێم، بزوتنەوەی گۆڕان راگەیەندراوێكی بڵاوكردەوە كە تیایدا هاتوە؛ بڕیاری راگرتنی شایستە داراییەکانی هەرێم، لەلایەن وەزارەتی دارایی حکومەتی ئیتحادییەوە؛ پێشێلکردنی ئاشکرای دەستوری عێراق و پێنەدانی مافە داراییەکانی موچەخۆرانی هەرێمی کوردستانە.

بزوتنەوەی گۆڕان ئاماژەی بۆ ئەوەشكردوە، سەرەڕای پشتیوانیکردنی مافە سەرەتاییەکانی فەرمانبەرانی هەرێم، داوا دەکەین، چیتر لەنێوان بەرداشی کێشە سیاسیەکانی حکومەتی ئیتحادی و حکومەتی هەرێم قوتی خەڵکی کوردستان نەهاڕدرێت.

دەقی راگەیەندراوەكەی بزوتنەوەی گۆڕان:

بزوتنەوەی گۆڕان: بڕیاری ڕاگرتنی موچەی هەرێم، پێشێلی دەستورە 

بڕیاری ڕاگرتنی شایستە داراییەکانی هەرێم، لەلایەن وەزارەتی دارایی حکومەتی ئیتحادییەوە؛ پێشێلکردنی ئاشکرای دەستوری عێراق و پێنەدانی مافە داراییەکانی موچەخۆرانی هەرێمی کوردستانە.

ئێمە لە بزوتنەوەی گۆڕان، سەرەڕای پشتیوانیکردنی مافە سەرەتاییەکانی فەرمانبەرانی هەرێم، داوا دەکەین، چیتر لەنێوان بەرداشی کێشە سیاسیەکانی حکومەتی ئیتحادی و حکومەتی هەرێم قوتی خەڵکی کوردستان نەهاڕدرێت.

هاوکات، داوا دەکەین هەر کێشەیەک هەیە؛ پێویستە لەسەر بنچینەی دەستوری عێراقی و یاسا بەرکارەکان چارەسەر بکرێت، نەک بە برسیکردنی چینی مامناوەند و موچەخۆران تەواو بێت.

بزوتنەوەی گۆڕان
٢٩ی ئایاری ٢٠٢٥