بەڕێوەبەرایەتی ئاوی هەولێر، بڵاویکردوەتەوە چەند هاوڵاتییەکی نابەرپرس هۆکاری شکاندنی بۆری ئیفرازی سێی هەولێرن و لە کاتی راکێشانی هێڵی کارەبادا و بە حەفارە بۆرییەکەیان شکاندوە و ڕوبەڕی یاسا دەکرێنەوە.

هەواڵ:KNNC

دوای ئەوەی جارێکی دیکە بۆری ئاوی ئیفرازی سێی هەولێر شکایەوە، بەو هۆیەشەوە لە 40٪ی شارەکە بێ ئاودەبن، بەڕێوەبەرایەتی ئاوی هەولێر ڕاگەیەندراوێکی لەسەر بڵاوکردەوە و دەڵێت؛ چەند هاوڵاتییەک هۆکار بون بۆ شکاندنی بۆرییەکە  و هەوڵدەدەن لە 24 کاتژمێری داهاتوشدا چاکی بکەنەوە.

 ئاوی هەولێر دەڵێت؛ لە ئێستادا لایەنی پەیوەندیدار بەردەوامە لە لێکۆڵینەوە وە بەپێی یاسا مامەڵە لەگەڵ ئەوانە دەکرێت بۆرییەکەیان شکاندوە و بونەتە هۆکاری ڕوداوەکە.

ئاماژەیان بەوەشداوە، تیمەکانیان بەردەوامن لە کارکردن بەمەبەستی چاککردنەوەی بۆریەکە و هەوڵدەدەن لە 24 کاتژمێری داهاتودا چاك بکرێتەوە و ئاو بگەڕێتەوە بۆ هاوڵاتییان .

بەرێوبەرایەتییەکە داوا لەو هاوڵاتییانیش دەکات؛ کە دانیشتوی ئەو گەڕەکانەن لەسەر بۆری ئاوی ئیفرازی سێن، هاوکاریان بن لە بەفیرۆنەدانی ئاو تاکو بۆریەکە چاك دەکرێتەوە .