وەزیری دەرەوەی تورکیا رایگەیاند، ئەنقەرە پشتیوانی لەو ڕێککەوتنە دەکات کە لەنێوان هەسەدە و دیمەشق واژۆکراوە و دەشڵێت؛ پێویستە کورد لە سوریا لە چوارچێوەی دەستوردا گشت مافەکانیان بەدەست بهێنن

هەواڵ:KNNC


لەدوای کۆبونەوەی وەزیرانی دەرەوەی ناتۆ کە لە ئەنتاڵیا بەڕێوەچوو، هاکان فیدان، وەزیری دەرەوەی تورکیا رایگەیاند؛ هێرشەکانی ئیسرائیل بۆ سەر سوریا هەڕەشەیەکی گەورەیە بۆ  سەقامگیریی ئەو وڵاتە و قبوڵکراو نییە.

 لەبارەی پرسی کوردەوە ناوبراو ئاماژەی بەوەکرد، ئەنقەرە پشتیوانی لەو ڕێکەوتنە دەکات کە لەنێوان هەسەدە و دیمەشق واژۆکراوە و هەشت خاڵی لەخۆگرتوە.

ناوبراو ئاماژەی بەوەشکردوە،  پێویستە برایانی کورد لەسوریا لەچوارچێوەی پرەنسیپی هاوڵاتیبون و یەکسانیی لەدەستوردا گشت مافەکانیان بەدەستبهینن.