وتەبێژی سوپای ئیسرائیل دەڵێت: بەجۆرێك هێرشیان كردوەتە سەر بزوتنەوەی حەماس، نەتوانێت جارێكی دیكە خۆیی پێ بنیاد بنرێتەوە و فشارەكانیش بۆ بەئازادکردنی بارمتەکان بەرەو پێشەوە دەچێت و هێزی زیاتریشیان بۆ هێرشکردنە سەر حەماس كۆكردوەتەوە.

هەواڵ: (KNNC)

ئەڤیغای ئەدرعی، وتەبێژی سوپای ئیسرائیل، ئەمڕۆ چوارشەممە رایگەیاند، سوپای وڵاتەكەی بەتوندی هێرشی کردوەتە سەر بزوتنەوەی حەماس و سەرکردەکانی، هێرشەكان بەجۆرێك ئەنجامدراون كە جارێكی دیكە حەماس نەتوانێت پەیكەری رێكخراوەكەی بۆ بنیات بنرێتەوە.


دەشڵێت؛ ئەنجامدانی هێرشەكەی ئەمجارەی سوپای ئیسرائیل بۆ فشار خستنە سەر حەماسە بۆ ئەوەی بە بارمتەکان ئازادبكات و هێزی زیاتریشیان بۆ هێرشکردنە سەر حەماس كۆكردوەتەوە.


رونیكردوەتەوە، بۆ لەناوبردنی بزوتنەوەكە هێرشە سەربازییەکانی سوپای ئیسرائیل زیاتر ژێرخانی حەماس و سەرکردایەتییان بەئامانج دەگرێت، هەروەها بۆ ئەومەبەستەش پێدەچێت هێزی زەمینی رەوانەی كەرتی غەززە بكەنەوە.


وتەبێژی سوپای ئیسرائیل ئاماژەی بۆ ئەوەشكردوە، بۆ گەیشتن بە ئەنجامێكی یەكلاكەرەوە و رێگریكردن لە دوبارەبونەوەی روداوەكانی (7ـی ئۆكتۆبەری 2023) لەناوخۆی ئیسرائیلدا کۆدەنگی هەیە، هەروەها ئیرائیلییەكان لەسەر كۆتایی هێنان بە بزوتنەوەی حەماس هاوڕان.