سەرباری پەرەسەندنی گرژییەکانی لە نێوان ئێران و وڵاتانی رۆژئاوا، ئێران لەڕێگەی نامەیەكەوە داوای دانوستان و  گفتوگۆ لە وڵاتانی رۆژائاوا دەكات.

هەواڵ: (KNNC)

میدیاكانی جیهان بڵاویانكردوە، سەرباری هەڕەشەكانی سوپای پاسداران، بەڵام كۆماری ئیسلامی ئێران لەڕێگەی نامەیەكەوە بانگێشتی وڵاتانی رۆژئاوا بۆ گفتوگۆ و دانوستان دەكات، كە میدیاكان بە پەیامی "دژ بەیەك" ناویان بردوە، چونكە لەلایەك گرژییەكانی لەگەڵ ئیسرائیل پەرەدەسنێت و لەلایەكی دیكەشەوە داوای گفتوگۆ دەكات.

ئەوەیانخستوەتەڕو، عەباس عێراقچیش بەردەوام داوای دانوستان و گفتوگۆ لەگەڵ وڵاتانی رۆژئاوا دەكات، كەئەوەش جدییەتی كۆماری ئیسلامی ئێران لە گەیشتن بەچارەسەری دیپلۆماسی بۆ بارودۆخی رۆژهەڵاتی ناوەڕاست دەردەخات.

لای خۆشیەوە، عەباس خامیار، دیپلۆماتکاری پێشوی ئێران رایگەیاندوە: بەئامانجی بەهێزكردنی پێگەی دانوستانكاری كۆماری ئیسلامی ئێران، رێبازی دولایەنە دەگرێتەبەر، ك بەیاننامە توندەکان بۆ رێگریکردنە لە  سەپاندنی هێزی بەسەر گۆڕەپانی ناوچەکەدا.

دیپلۆماتکارەكەی پێشوی ئێران ئاماژەی بۆ ئەوەشكرد، بانگەوازەکانی بۆ دانوستان و گفتوگۆ لە چوارچێوەی هەوڵەكانیەتی بۆ هێورکردنەوەی گرژییەکان و  سوککردنی ئەو سزا ئابورییانەی بەسەریدا سەپێنراون، ئێستا ئێران ئامادەیە بۆ دانوستان، بەڵام بە مەرجێک کە ڕێز لە سەروەری و بەرژەوەندییە ناوچەییەکانی بگیرێت.