زلاتان ئیبراهیمۆڤیچی هێرشبەری پێشوی سویدی دەڵێت ئەگەر بگەڕێتەوە بۆ یاریكردن لە وەرزێكدا 30 گۆڵ تۆماردەكات.

وەرزش:KNNC

لەمیانی بەشداریكردنی لە پرۆگرامێكدا ئیبراهیمۆڤیچ رایگەیاند ئەگەر لە ئێستادا بگەڕێتەوە بۆ یاریكردن دەتوانێت لە نێوان 15 بۆ 20 خولەكدا یاری بكات.

راشیگەیاند، لە ماوەی وەرزێكدا دەتوانێت 30 گۆڵ تۆماربكات.

لە بەشێكی دیکەی پرۆگرامەكەدا، ئیبراهیمۆڤیچ باسی گۆڵێكی نایابی خۆی لەگەڵ ئەیاكس ئەمستردام كردو وتی: 7 یاریزانی تێپەڕاندو یاریزانێكیش كە بۆ گەڕایەوە جارێكی تری تێپەڕاندەوە دواتر تۆپەكەی لە تۆڕی گۆڵدا جێگیر كرد.

ئەستێرەكەی پێشوی میلان دەڵێت" لەو یاریزانانە نییە زو وەڵامی ئازاردانی بداتەوە، بەڵكو وەكو فیل وایە هیچی بیرناچێتەوەو لەگەڵ هەر دەرفەتێكدا تێكیاندەشكێنم.