سەرچاوەیەک لە بەڕێوەبەرایەتی خانەنشینی سلێمانی بە کەی ئێن ئێن راگەیاند، ئەو خانەنشینانەى بڕیارى هاوتاکردنى موچە لە مانگى حەوت نەیگرتنەوە، لە موچەى مانگى هەشت وەریدەگرن و قەرەبوش دەکرێنەوە.


هەواڵ:KNNC

پەیامنێری کەی ئێن ئێن لە زاری سەرچاوەیەک لە بەڕێوبەرایەتی خانەنشینی سلێمانی راگەیاند، خانەنشینانی هێزەکانی حەفتا و هەشتا، ئەیلول و گوڵان، لە کاتی وەرگرتنی موچەی مانگی ئاب بە هاوتاکراوی وەریدەگرن و لەگەڵیشی قەرەبوی وەرنەگرتنی هاوتاکردنی مانگی تەمموز دەکرێنەوە و ئەوەش وەردەگرن.

هەر بە پێی زانیارێکانی کەی ئێن ئێن، لە سنوری سلێمانی 48 هەزار خانەنشین بون هەیە و تا ئێستا 12 هەزاریان موچەی مانگی تەمموزیان وەگرتوە، پڕۆسەی دانەشکردنی موچە هەر بەردەوامە.

کارمەندانی یەکێک لە لقکەکانی بانکی مەڵکەندی، باسی لەوەکرد کە خانەنشینان بە ڕێژەی %100 سودمەند بون لە هاوتاکردنەکە و موچەکانیان دو قات بوە.