ئەمڕۆ پێنجشەممە (2024/8/1) محەمەدی حاجی مەحمود، سەرۆكی پارتی سۆسیال دیموكراتی كوردستان و شاندی یاوەری سەردانی مەكۆی سەرەكی بزوتنەوەی گۆڕانیان كرد و لەگەڵ عومەر سەید عەلی و ژمارەیەك لە ئەندامانی جڤاتی نیشتیمانی كۆبونەوە.

لەو دیدارەدا، دواین پەرەسەندنە سیاسییەکانی هەرێم، بەتایبەت ئامادەکاریەکان بۆ هەڵبژاردنی خولی شەشەمی پەرلەمانی کوردستان گفتوگۆ کران و جەخت لە بەڕیوەچونی هەڵبژاردنێکی پاک و بێگەرد کرایەوە.

لە بەشێکی دیکەی دیدارەکەدا، دۆخی سیاسی عێراق و کێشە هەڵپەسێردراوەکانی نێوان هەولێر و بەغدا، لەگەڵ بابەتی پێکهێنانی حکومەتی خۆجێی کەرکوک و باسکران، لەو بارەیەوە پاراستنی ناسنامەی کوردستانیبونی کەرکوک و پاراستنی بەرژەوەندییە باڵاکانی کورد و گیانی پێکەوەژیانی ئاشتیانە لەو ناوچانە خرانە بەر باس.