کۆمەڵەی بەرهەمە خۆراکییەکانی تورکیا رایدەگەیەنێت، عێراق پلەی یەکەمی بە دەستهێنا لە هاوردەکردنی دانەوێڵەی تورکیدا.

 

کازم تایجی، سەرۆکی کۆمەڵەی بەرهەمە خۆراکییەکان تورکیا رایگەیاند:هەناردەکردنی دانەوێڵەی تورکیا لە مانگی کانونی دوەم تا مانگی تەموزی ئەمساڵ بە بەراورد بە ساڵی ڕابردوو 31.4% زیادی کردوە و قەبارەکەی دەگاتە 6 ملیار 260 ملیۆن دۆلار، بەمەش ئاستی هەناردەکردنی 22.4% زیادی کردوە لە ماوەی ساڵێکدا کە 181 ملیۆن دۆلاربوە.

 

باسی لەوەشکردوە، عێراق پلەی یەکەمی گرتوە لە کڕینی دانەوێڵەی تورکیا، ئەمەریکاش پلەی دوەمی گرتوە.

 

 

تاجی دەشڵێت: کۆی هەناردەی بەرهەمی تورکیا لە حەوت مانگی یەکەمی ئەمساڵدا 19% زیادی کردووە بە بەراورد بە هەمان کاتی 2021 کە دەگاتە 144 ملیار دۆلار. 

 

 

راشیگەیاند: هەناردەی بەرهەمە کشتوکاڵییەکان لە سەرەتای ئەمساڵەوە 20% بەرزبوەتەوە و گەیشتوەتە 18 ملیار و 79 ملیۆن دۆلار.

86 جار خوێندراوەتەوە