وەزیری سەدر: چوارچێوەی هەماهەنگی یاری بە ئاگر دەکات

KNN : Kurdish News Network
11:40 - 16/08/2022
عێراق

وەزیری سەدر راگەیەندراوێکی بڵاوکردەوە و ئاماژە بەوەشدەکات چوارچێوەی هەماهەنگی یاری بە ئاگر دەکەن و رێگە بۆ هەڵگیرساندنی شەڕی ناوخۆ دەکەن.

 

محەمەد ساڵح عێراقی کە بە وەزیری سەدر ناسراوە رایگەیاند: پێویستە چوارچێوەی هەماهەنگی خۆی لە شەری ناوخۆیی بەدوربگرێت.

 

عێراق دەشڵێت: چوارچێوەی هەماهەنگی شەڕی ناوخۆی دەکەن بە مانگرتن بەرامبەر بە مانگرتن، خۆپیشاندان بە خۆپیشاندان، ئێمە خۆپیشاندان دەکەین دژی گەندەڵکاران، ئایا ئەوان گەندەڵکارن؟

 

لە درێژەی راگەیەنراوەکە عێراقی راشیگەیاند: ئێمە خۆپیشاندانی ئاشتیانە دەکەین، ئەوان خۆپیشاندانی توندوتیژانە دژی هێزە ئەمنییەکان دەکەن.

 

باسی لەوەشکردوە، لایەنگرانی سەدر سیستمێکی چاکسازییان دەوێت، بەڵام لایەنگرانی چوارچێوەی هەماهەنگی دژی چاکسازی و دژی سەرۆک وەزیرانن.

 

عێراقی: خۆپیشاندەرانی چوارچێوە دژی سەرۆک وەزیرانن و بە ناشەرعی دادەنێن، کەواتە سەرۆک کۆماریش ناشەرعییە و لە هەمان کاتدا خۆپیشاندان دژی سەرۆکایەتی پەرلەمانیش دەکەن.

 

پرسیاری ئەوەشی کردوە، ئەوان بەرگری لە چ شەرعیەت و دەوڵەتێک دەکەن؟ ئایا ئەوان بەرگری لە سێیەکی پەکخەر دەکەن؟ ئەوان بەرگری لە دەسەڵاتی دادەوەری دەکەن کە هێلێ سورە لای ئێمە.

 

لە پەیامێکی توندا دەڵێت: وابیرنەکەنەوە بانگەشەتان بۆ خۆپیشاندانی گەورە بێزارمان دەکات و دەمانترسێنێت و ئێمە دەست لە دژتان بەرزناکەینەوە، تەنانەت ئەگەر ئێوەش ئەو کارە بکەن.

133 جار خوێندراوەتەوە