لایەنە سیاسیەکان نەگەیشتن بە رێککەوتن و کۆبونەوەیان لەگەڵ پلاسخارت کۆتایى هات

KNN : Kurdish News Network
03:10 - 10/08/2022
کوردستان

هاوشێوەى کۆبونەوەکانى دیکە، کۆبونەوەى ئەمجارەى لایەنە سیاسییەکان لە سەرۆکایەتى هەرێم، لەگەڵ نێردەى نەتەوە یەکگرتووەکان، بێ ئەنجام کۆتایى هات و لەبارەى هەڵبژاردن و هەموارى یاساى هەڵبژاردن نەگەیشتنە رێککەوتن.

کەى ئێن ئێن، لەسەرچاوەیەکى بەشدار لە کۆبونەوەکە زانیویەتى، لەکۆبونەوەی لایەنەسیاسیەکاندا هیچ گۆڕانکارییەک لە بۆچونی لایەنەکان ڕوی نەداوە، لەسەر هەردوو پرسی هەمواری یاسای هەڵبژاردن و کاراکردنەوەی کۆمسیۆن.

لەبارەى دیاریکردنى وادەى هەڵبژاردن، سەرچاوەکە وتى،" دیاری کردنی وادەیەکی نوێ بۆ هەڵبژاردن پەیوەستە بەڕێککەوتنی لایەنەسیاسیەکان لەسەر پرسى هەموارى یاساى هەڵبژاردن و کاراکردنەوەى کۆمیسیۆن.

بەپێى زانیارییەکانى سەرچاوەکە، کێشەکان لە بارەى یاساى هەڵبژاردن و کورسى پێکهاتەکان و دواخستنى هەڵبژاردن سپێردراوە بە کۆبونەوەیەکى دیکە کە بڕیارە سەرەتاى مانگى داهاتوو، لایەنە سیاسییەکانى هەرێم لە سەرۆکایەتى هەرێم کۆبونەوەیەکى دیکە ئەنجام دەدەن.

هەولێر- بڕیار نامیق  

1656 جار خوێندراوەتەوە