لیژنەی ئۆڵۆمپی عێراق لە پاڵەوانێتیەکی تورکیا کشایەوە

KNN : Kurdish News Network
02:49 - 24/07/2022
وەرزش

نوسینگەی جێبەجێکاری لیژنەی ئۆڵۆمپی نیشتمانی عێراق بڕیاریداوە لە پێنجەمین ئۆڵۆمپیادی هاوکاری ئیسلامی بکشێتەوە کە بڕیارە لە سەرەتای مانگی داهاتوو لە تورکیا ئەنجام بدرێت وەک کاردانەوەیەک دژی هێرشەکەی ئەم دواییەی تورکیا بۆ سەر خاکی عێراق.

وەک پیشاندانی ناڕەزایی بەرامبەر شەهیدکردنی ژمارەیەک گەشتیاری عێراقی لە یەکێک لە سەیرانگاکانی ئیدارەی سەربەخۆی زاخۆ، کە توڕەیی خەڵکی عێراقی گەیاندی لوتکە و لەسەر ئاستی باڵای حکومی و جەماوەری ناڕەزایی بەرز بویەوە، نووسینگەی جێبەجێکاری لیژنەی ئۆڵۆمپی عێراق لە دانیشتنی بەپەلەی سەرلەبەیانی ئەمڕۆیدا بڕیاریدا کە لە پێنجەمین ئۆڵۆمپیادی هاوکاری ئیسلامی کەبڕیارە لە 9ی ئاب لە شاری کۆنیای تورکی بەڕێوە بچێت بکشێتەوە.

ڕاشیانگەیاند؛ لیژنەی ئۆڵۆپی شان بەشانی حکومەت و گەلی عێراق هەڵوێست وەردەگرن و دژی ئەو تاوانکارییەی تورکیا دەوەستنەوە.

222 جار خوێندراوەتەوە