دژەتیرۆر لەبارەی هێرشەکەی سەر کۆرمۆر پەیامێکی بڵاوکردەوە

KNN : Kurdish News Network
06:18 - 22/06/2022
کوردستان

بەڕێوبەرایەتی گشتی هێزەکانی دژەتیرۆر بڵاویکردەوە، هێرشەکەی کێڵگەی کۆرمۆر زیانی گیانی نەبوە و بەدواداچونی وردیش بۆ روداوەکە دەکەن.

بەڕێوبەرایەتی گشتی هێزەکانی دژەتیرۆر لە راگەیەندراوێکدا ئاماژەی بەوەکردوە، پاش نیوەڕۆی ئەمڕۆ چوارشەممە ٢٢ی حوزەیران سەعات   4:45 خولەک، یەک کاتیۆشا لە شوێنێکی نادیارەوە ئاڕاستەی کێڵگەی کۆرمۆر کرا.

ئەوەشخراوەتەڕو، روداوەکە هیچ زیانێکی گیانی بەدواوە نەبوە و لە ئێستادا هێزەکانی سەربە بەڕێوبەرایەتی گشتی دژەتیرۆر سەرقاڵی بەدواداچون و لێکۆڵینەوەن لە ڕوداوەکە و لە داهاتودا تەواوی لێکۆڵینەوەکە و وردەکارییەکەی بڵاو دەکەنەوە.

1315 جار خوێندراوەتەوە