راوێژکاری دارایی سەرۆک وەزیرانی عێراق رایگه‌یاند، پڕۆژەیاسای
بودجەی (2022) تێناپەڕێنرێت و گرفتی گەورەی بۆ دروست بوە.
مەزهەر محەمەد ساڵح، راوێژکاری دارایی سەرۆک وەزیرانی عێراق رایگەیاند: دوای ئەوەی دادگای باڵای فیدڕالی
عێراق پڕۆژەیاسای ئاسایشی خۆراکی رەتکردەوە، بودجەی ئەمساڵیش تێناپەڕێنرێت.
باسی لەوەشکردوە، بەگوێرەی بڕیارەکەی دادگای فیدڕالی حکومەتی کاربەڕێکەر
ناتوانێت پڕۆژەیاسای بودجە بۆ پەرلەمان بنێرێت.
ساڵح دەشڵێت: تا پێکهێنانی حکومەتی نوێی عێراقی ناتوانرێت هیچ یاسایەك
تێپەڕێنرێت و دادگا ئەو بابەتەی یەکلایی کردوەتەوە.
ئەوەش لەکاتێکدایە، لیژنەی دارایی پەرلەمانی عێراق لە ماوەی رابردودا چەند هەوڵێکی دابو بۆ ئەوەی فشار لە حکومەتی ئێستای عێراق پرۆژەیاسای بودجەی (2022) بۆ پەرلەمان بنرێت و خوێندنەوەی بۆ بکرێت، بەڵام دادگای باڵای فیدراڵی دو رۆژ لەمەوبەر لەسەر سکاڵای پەرلەمانتارێك پرۆژەیاسای ئاسایشی خۆراکی رەتکردەوە و ئاماژەی بەوەداوە، حکومەتی کارێبەڕێکەر ناتوانێت هیچ یاسایەك تیپەڕبکات بەپێی دەستور.
1327 جار خوێندراوەتەوە