روسیا کارەبای وڵاتێکی ئەوروپی بڕی

KNN : Kurdish News Network
01:58 - 14/05/2022
جیهان

ئەمڕۆ شەممە، روسیا بڕیاریدا بە بڕینی کارەبی فینلەندا تا کۆتایی هەفتەی داهاتو بەهۆی ئەوەی پارەی کارەبای نەداوە.

 

حکومەتی فینله‌ندا رایگه‌یاند: كۆمپانیای راونوردیكی روسی ناردنی ته‌زووی كاره‌بای بۆ وڵاته‌كه‌یان راگرتوه‌.

 

كۆمپانیا روسییه‌كەش‌ رایگه‌یاندوه‌، فینله‌ندا پاره‌ی كاره‌بای نه‌داوه‌ و به‌و هۆیه‌وه‌ بێبه‌ش كراوه‌ له‌ كاره‌با، دوا وادە بۆ دانەوەی قەرزەکانی کۆتایی هەفتەی داهاتوە. 

 

ئاماژەی بەوەشداوە، ئەگەر فینلەندا سەرکەوتو نەبو لە دانەوەی پارە بە روسیا، ئەو کۆمپانیا بەردەوام دەبێت لە پێنەدانی کارەبا پێی.

 

دوێنێ هەینی، پەرلەمانی فینلەندا بە زۆرینەی دەنگ بە ئەندامبونی وڵاتەکەیان لە ناتۆ پەسند کرد و بڕیاریشە ئەمڕۆ حکومەتی فینلاندا داوای ئەندامیێتی خۆی بۆ ناتۆ پێشکەش بکات.





3689 جار خوێندراوەتەوە