راوێژکاری تەکنیکی سەرۆک وەزیرانی عێراق لەبارەی بڕیارەکەی دادگای فیدڕالی تایبەت بە یاسای نەوت و غازی هەرێم رونکردنەوەیەکی بڵاوکردەوە.

هەیسەم جبوری، راوێژکاری تەکنیکی مستەفا کازمی سەرۆک وەزیرانی عێراق رایگەیاند: بڕیارەکەی دادگای فیدڕالی دەربارەی دۆسیەی نەوت گفتوگۆی لەسەر ناکرێت و پێویستە جێ بەجێ بکرێت.

ئاماژەی بەوەشکردوە، حکومەت و پەرلەمان مافی ئەوەیان نییە سازش بکەن لەسەر بڕیاری دادگای فیدڕالی بۆ ئیدارەدانی سامانی هەرێم و ئەو بابەتە قابیلی گفتوگۆکردن نییە.

جبوری راشیگەیاند: پرۆژەیاسای بودجە چارەسەری کێشەکانی هەرێم و بەغدا ناکات و بەبێ جێبەجێکردنی ئەو بڕیارە خوێندنەوەی بۆ ناکرێت و تێناپەڕێت.