وەزیری سەرچاوەکانی ئاوی عێراق رەخنەی توندی لە سیاسەتی ئاوی ئێران گرت و جەختی لەوەشکردەوە، تاران پلانێکی ترسناکی بەرامبەر بە کۆمەڵگەی عێراق داڕشتوە.

مەهدی رەشید حەمدانی، وەزیری سەرچاوەکانی ئاوی عێراقی رایگەیاند: ئێران فێڵمان لێدەکات و رێڕەوی روبارەکان لە خاکی خۆیدا دەگۆڕێت کە ئەمەش پێچەوانەی یاسا نیودەوڵەتییەکانە.

باسی لەوەشکردوە، ئێران پلانێکی ترسناکی داناوە و دەیەوێت بەو کارەی گوندەکان و کۆمەڵگاکانی عێراقی ناچار بە چۆڵ کردن بکات و ئاو بەرناداتەوە.

حەمدانی راشیگەیاند: ئێران لەبارەی دۆسییەی ئاوەوە هاوکار نییە و هیچ هەنگاوێکی ئەرێنی نەناوە.