هەولێر؛ ئەو باندە دەستگیرکران کە (8) ئۆتۆمبێلی هاوڵاتیانیان بردبوو

KNN : Kurdish News Network
08:49 - 14/01/2022
کوردستان

ئاسایشی هەولێر، دەستگیرکردنی ئەو باندەی راگەیاند؛ کە بە ناوی کار و سودی ئابوریەوە (8) ئۆتۆمبێلی هاوڵاتیانیان بردبوو.


لە ڕاگەیەندراوێکدا ئاسایشی هەولیر دەڵێت: "بە هاوکاریی پۆلیسی هەولێر، ئەمشەو توانیمان ئەو باندە دەستگیر بکەین، کە فێڵیان لە هاوڵاتیان کردبو، هەشت ئۆتۆمبێلیان دزیبوو".

 

ئاسایشی هەولێر دەشڵێت: پاش روداوی فێلکردن و دزینی هەشت ئۆتۆمبێل بە ناوی هەلی کار لە دوو ڕۆژی رابردو لە شاری هەولێر، تیمەکانی لێکۆلینەوە و بەدواداچونی بەڕێوەبەرایەتیمان هەڵسان بە ئەرکی خۆیان و بە هاوکاری  پۆلیسی هەولێر توانیان ئەمشەو ئەو باندە دەستگیر بکەن.

 

سەبارەت بە چارەنوسی باندەکە، ئاسایش ئەوەی راگەیاندوە؛ کە سەرجەمیان دەدرێنە دادگا بۆ وەرگرتنی سزای یاسایی خۆیان و ئۆتۆمبێلەکان بۆ خاوەنەکانیان دەگێڕنەوە.

560 جار خوێندراوەتەوە