پۆلیسى سلێمانى دەستگیرکردنى دوو بارزگانى ماددەى هۆشبەرى راگەیاند

KNN : Kurdish News Network
03:46 - 14/01/2022
کوردستان

بەڕێوەبەرایەتی پۆلیسی پارێزگای سلێمانی رایگەیاند، دو تۆمەتباریان دەستگیركردوە كە بەكارهێنەری ماددەی هۆشبەرن و لەكاتی دەستگیركردنیشیاندا دەستگیراوە بەسەر بڕێك لەو ماددانەدا.

 

بەڕێوەبەرایەتی پۆلیسی پارێزگای سلێمانی لەراگەیەندراوێکدا ئاشکرایکردوە ، دو تۆمەتباریان دەستگیركرد كە بەكارهێنەری ماددەی هۆشبەرن، كە بڕێك ماددەی هۆشبەریان  پێبوە، دوای پشكنین دەركەوتوە كە بەكارهێنەرن و لە ئێستادا بەبڕیاری دادوەر ڕاگیراون.

 

لە راگەیەندراوەکەى پۆلیسدا ئاماژە بەوە دراوە، تۆمەتبارێك كە لەسەر دۆسیەی تەقەكردن دەستگیركرابو،  بەگومانی بەكارهێنانی ماددەی هۆشبەر لەلایەن بنكەی پۆلیسی بەكرەجۆوە لێكۆڵینەوەی زیاتری لەگەڵدا كراوە و دوای پشكنین دەركەوتوە كە بەكارهێنەری ماددەی هۆشبەرە، لە جۆری حەشیش و دەستیش گیرا بەسەر بڕێك لەو ماددەیە .

 

63 جار خوێندراوەتەوە