سەرۆک وەزیرانى عێراق داوا لە هاوڵاتیانى عێراق دەکات لە رێى بەشداریکردن لە هەڵبژاردندا کۆتایى بە سەردەمى گەندەڵى بهێنن و هۆشداریش دەدات لەبارەى کڕینى دەنگ.

مستەفا کازمى، سەرۆک وەزیرانى عێراق لەمیانى کۆبونەوەى ئەنجومەنى وەزیراندا رایگەیاند، داوا لە هەموان دەکەم بچنە سەر سندوقەکانى دەنگدان و کۆتایى بەسەردەمى گەندەڵى بهێنن کە بەهۆیەوە عێراق زیانى زۆرى بەرکەوتوە.

لە بەشێکى دیکەى قسەکانیدا سەرۆک وەزیرانى عێراق هۆشدارى داوە لە کڕینى دەنگى دەنگدەران و لەوباریەوە رایگەیاندوە، هۆشدارى دەدەم لەهەر هەوڵێک بۆ کڕینى دەنگى دەنگدەران لە رێى بەڵێنى ناڕاستى دامەزراندن و دابەشکردنى زەوى، ئەوانە بەڵێنى ناراستن و پێویستە هاوڵاتیان باوەڕى پێنەکەن.