تەندروستی سلێمانی هۆشدار دەدات؛ سکچون و رشانەوە لەناو منداڵاندا زیادیکردووە

KNN : Kurdish News Network
12:15 - 30/07/2021
تەندروستی

بەرێوەبەرایەتی گشتی تەندروستی سلێمانی هۆشداری دەدات و دەڵێت: لەگەڵ هاتنی وەرزی گەرمادا سکچوون و ڕشانەوە لەناو مناڵاندا زۆر زیاد دەکات.

 
د. پشدەر عەبدوڵا بەڕێوەبەری نەخۆشخانەی (د. جەمال بۆ منداڵان) لە سلێمانی بۆ هۆکاری زیادبونی حاڵەتەکان بۆ منداڵان دەڵێت: کاریگەری بەرزی پلەی گەرما، پیسبوونی سەرچاوەی ئاو، و خراپ هەڵگرتنی خۆراک لەناو پلەی گەرمی بەرزداو گەشەکردنی هەندێک بەکتریا لەو پلە گەرمیەدا لەگەڵ ووشک بوونەوەی منداڵ لە پلەی گەرمی بەرزداو کەمتر بەرگەگرتنی سکچوون و ڕشانەوە.

دەشڵێت: هۆکارەکانی سکچوون و ڕشانەوە زۆرن و رێگەکانی چارەسەرکردنیشیان جیاوازە.

بۆ ڕێگەگرتن لە تووشبوون بە سکچوون و ڕشانەوە باشترە ئەم هەنگاوانە بنێیت:-

 
١-هەموو ئاوێک بکوڵێنە انجا ساردی بکەرەو بۆ خواردنەوە بەکاری بهێنە.

٢-خواردن لەناو سەلاجە هەڵبگرە.

٣-سەورزە میوە پێش خواردنی جوان بشۆرەوە.

٤-زوو زوو دەستی منداڵەکەت بشۆ بەتایبەت دوای تەوالێت کردن.

٥-پاک و خاوێنی تەوالێت و حەمام زۆر گرنگە.

٦-بەکارنەهێنانی خاولی و پەرداخ و کەوچکی یەکتر.

٧-دوورکەوتنەوە لەخواردنی دەرەوە بەتایبەت ئەوانەی سەر عەرەبانەکان.

٨-باش کوڵاندنی گۆشت و خواردنەکان.

512 جار خوێندراوەتەوە