نەتەوەیەکگرتووەکان: پێویستە ئەو کەسانەی بەرپرسن لە کردەوە تیرۆرستییەکەی عێراق دادگایی بکرێن

KNN : Kurdish News Network
10:41 - 20/07/2021
عێراق

سکرتێری گشتی نەتەوەیەکگرتووەکان رایدەگەیەنێت، پێوستە بە زوترین کات ئەو کەسانەی بەرپرسن لە کردەوە تیرۆرستییەکەی بەغدا دادگایی بکرێن.

 
ئەنتۆنیۆ گۆتێرێس سکرتێری گشتی نەتەوەیەکگرتووەکان لە راگەیەنراوێکدا بە توندی ئیدانەی ئەو کردەوە تیرۆریستیەی بەغدای کردو کرد و رایگەیاند، "ئەو هێرشە کوشندەیە پێش جەژنی قوربان سەلمێنەری ئەوەیە کە کردەوە تیرۆرستییەکان هیچ سنورێکیان نییە".

 

ڕۆژی دووشەممە (19/7/2021)  تەقینەوەیەک لە بازاڕێکی ناوچەی سەدری بەغدا ڕوویدا و بەپێی دوایین ئامارەکان نزیکەی (35) کەس گیانیان لەدەستداوە کە ژمارەیەکیان منداڵ بوون نزیکەی (60) کەسیش بریندار بوون.

 

لە دوای تەقینەوەکەش ڕێکخراوی تیرۆریستیی داعش لە راگەیەندراوێکدا بەرپرسیارێتیی خۆی لە تەقینەوەکەی راگەیاند و ئاماژەی بەوەکرد، خۆکوژەکە ناوی ئەبوو حەمزەیە و خۆی لەنێو گردبوونەوەیەکی شیعەکاندا تەقاندووەتەوە.

 

هاوکات، مستەفا کازمی سەرۆکوەزیرانی عێراق بڕیاری داوە لێکوڵینەوەی بەپەلە لە تەقینەوەکە بکرێت و ئەو بەرپرسانەش دادگایی دەکات، کە کەمتەرخەم بوون.

53 جار خوێندراوەتەوە