کۆمسیۆنی هەڵبژاردنەکان مەرجەکانی ئەنجامدانی بانگەشەی هەڵبژاردن ئاشکرا دەکات

KNN : Kurdish News Network
10:03 - 20/06/2021
عێراق

کۆمسیۆنی باڵای سەربەخۆی هەڵبژاردنەکانی عێراق، مەرجەکانی ئەنجامدانی بانگەشەی هەڵبژاردن و ئەو شێوازانەی کە رێگە بە ئەنجامدانیان نادرێت ئاشکرا دەکات.

جومانە غەلای وتەبێژی کۆمسیۆنی باڵای سەربە خۆی هەڵبژاردنەکانی عێراق رایگەیاند ئەنجومەنی کۆمسیاران سیستمی ئەنجامجانی بانگەشەی هەلبژاردنی پەسەند کردوە.

راشیگەیاند، لەگەڵ فەرمانگەکانی شارەوانی هەماهەنگی دەکەن لەبارەی چۆنیەتی ئەنجامدانی بانگەشە و ئەو شوێنانەی کە ئەنجامدانی بانگەشە تێیدا قەدەغەیە.

وتەبێژەکەی کۆمسیۆنی باڵای سەربەخۆی هەڵبژاردنەکان کۆمەڵێک شێواز و رێکاری دیاری کردوە کە قەدەغەیە لەکاتی ئەنجامدانی بانگەشەی هەڵبژاردندا ئەنجامبدرێن.


 رێوشوێنەکانی چۆنیەتی ئەنجامدانی بانگەشەی هەڵبژاردن

 

*بەکارهێنانی مادەی لکێنەر بۆهەڵواسینی وێنەی کاندید و پۆستەری بانگەشە و نوسین لەسەر دیوار قەدەغەیە

*نابێت پۆستەر وبەرنامەی هەلبژاردن و هۆکارەکانی بانگەشە بەدووری کەمتر لە (100) مەتر لەناوەندەکانی دەنگدان هەڵبواسرێن

*رێگەنادرێت کاندیدەکان کارت و بڵاوکراوە دابەش بکەن.

*رێگە نادرێت باڵەخانەی وەزارەتەکان و دامەزراوەکانی حکومەت و شوێنەئاینییەکان بۆ بانگەشەی هەڵبژاردن بەکاربهێنرێت.

*بەکارهێنانی دروشمەکانی دەوڵەت لە کۆبونەوە و بڵاوکراوە و نوسراوەکانی تایبەت بەبانگەشە قەدەغەیە.

*رێگەنادرێت فەرمانبەری دەوڵەت و دەسەڵاتە ناوخۆییەکان هەژموونی خۆیان و سامانی دەوڵەت بۆ بەرژەوەدی خۆیان یاخود کاندیدێک بەکاربهێنن.

*دروستکردنی فشار لەسەر دەنگدەر یاخود بەڵێنی پێدانی پارە و بەرژەوەندی بەمەبەستی دروستکردنی کاریگەری لەسەر دەنگدەران قەدەغەیە.

*رێگەنادرێت کاندید و پارتەسیاسیەکان و هاوپەیمانێتیەکان زانیاری ساختە وهەڵە یاخود شێوازی ناوزڕاندن دژی کاندیدانی دیکە بەکاربهێنن.

*رێگەنادرێت کاندیدەکان لە چوارچێوەی بانگەشەدا بیری توندوتیژی و رق وکینە و ناکۆکی نەتەوەیی و ئاینی و تەکفیری برەو پێبدەن.

*لە رۆژی دەنگداندا رێگەنادرێت کاندیدەکان و فەرمانبەرانی دەوڵەت و ئەندامانی دەسەڵاتە ناوخۆییەکان کارتی بانگەشە و هۆکارەکانی دیکەی بانگەشەی هەڵبژاردن دابەش بکەن.

*رێگەنادرێ هێرش بکرێتەسەرهیچ کاندیدێک و ئامرازێکی بانگەشەی هەڵبژاردن.

*رێگەنادرێت لەسەر کارت و ئامرازی بانگەشەی هەڵبژاردن ناوی کەسانێک بنوسرێت کە ناویان لەلیستی کاندیدەکاندا نیە

347 جار خوێندراوەتەوە