ئاژانسى هەواڵى فرانس پرێس بڵاویکردەوە، ماڵپەرى ژمارەیەک لە دەزگا راگەیاندنەکانى جیهان بەشێوەیەکى کتوپڕ لەکارکەوتن.

لەنێو ئەو دەزگا راگەیاندنانەى کە ماڵپەرەکانیان لەکارکەوتون، هەریەک لە ماڵپەرى رۆژنامەى گاردیان و زەسەنى بەریتانى و کەناڵى (سى،ئێن، ئێن) و رۆژنامەى فاینانشاڵ تایمز و نیویۆرک تایمزى ئەمەریکى و ماڵپەرى رۆژنامەى لۆمۆندى فەرەنسى تێدایە.

لەلایەکى دیکەوە ئاژانسى هەواڵى ئەسۆشەیتد پرێس بڵاویکردەوە، جگە لەماڵپەڕى دەزگا راگەیاندنەکانى جیهان ماڵپەرى فەرمى حکومەتى بەریتانیا و ماڵپەرى ئەمازۆنیش لە کارکەوتون، تائێستاش هیچ سەرچاوەیەک هۆکارى ئەو لەکارکەوتنە لەناکاوەى ماڵپەرەکانى ئاشکرا نەکردوە.