KNN زانیاری ورد دەربارەی ھەماھەنگی پێشمەرگە و سوپای عێراق لە کەرکوک بڵاودەکاتەوە

KNN : Kurdish News Network
01:22 - 22/05/2021
عێراق

لە چوارچێوەی ژوری ھەماھەنگی سوپای عێراق  و هێزی پێشمەرگە سبەی پێنج ئەفسەری پێشمەرگە دەگەنە بنکەی سەربازی کەی وەن لە شاری کەرکوک.

 

سەرچاوەیەک لە وەزارەتی پێشمەرگە بە دیجتاڵ میدیایی KNN ی راگەیاند، سبەی ئەفسەرانی پێشمەرگە لە بنکەی سەربازی کەی وەن لە شاری کەرکوک دەستبەکاردەبن، لە ڕۆژانی داھاتوشدا ژورەکانی دیکە دەست بە ئەرکەکانیان دەکەن.

 

ئەو سەرچاوەیە باسی لەوەش کرد: ژمارەی ئەفسەرانی پێشمەرگە (پێنج) ئەفسەرە، لە چوارچێوەی ژوری ھەماھەنگی سوپای عێراق و پێشمەرگە دەستبەکاردەبن.

 

ھەمان سەرچاوە نیگەرانی لایەنە عەرەبی و تورکمانییەکانی شاری کەرکوکی نەشاردەوە، ڕایگەیاند : بەشێک لەم لایەنانە بە تایبەت تورکمانەکان کەوتونەتە جوڵە بۆ شکستپێھێنانی ئەم لێکتێگەشتنە.

 

پێشتر ئاژانسی ھەواڵی ڕوسیا تودەی لە زاری سەرچاوەیەک لە وەزارەتی پێشمەرگە بڵاویکردەوە : (هه‌شت) ئەفسەری لیوای (یەك) ‌و (دوو)ى وه‌زاره‌تى پێشمه‌رگه‌ بەشداری لەئۆپه‌راسیۆنی ژوورە هاوبەشەكانی كه‌ركوك دەکەن.

2256 جار خوێندراوەتەوە