کۆرۆنا تەنگى بە هیندستان هەڵچنیوە

KNN : Kurdish News Network
09:49 - 16/04/2021
جیهان

تەنها لە (24) کاتژمێردا، زیاتر لە (200) هەزار توشبو لە هیندستان تۆمارکراون، رۆژانەش ژمارەکان بەرزدەبنەوە.

وەزارەتى تەندروستى هیندستان ئاشکرایکرد، لە (24) کاتژمێرى رابردودا، (217) هەزار و (353) توشبوى کۆرۆنا تۆمارکراون.

دەشڵێت، تۆمارکردنى ئەم ژمارەیەى توشبووانى کۆرۆنا ژمارەیەکى پێوانەییە و زیاتر لە هەفتەیەکە ئاستى توشبوان رۆژ بە ڕۆژ بەرز دەبێتەوە.

هیندستان، یەکێکە لە وڵاتە قەرەباڵغەکانى جیهان و ژمارەى دانیشتوانى بەپێى دواین ئامار، یەک ملیار و (393) ملیۆن و (409) هەزار و (38) کەسە،، لە روى توشبون بە کۆرۆناش لە دواى ئەمەریکا زۆرترین توشبوى تۆمارکردووە بە (14) ملیۆن و (300) هەزار کەس.

702 جار خوێندراوەتەوە