هەولێر؛ گەنجێک بەناوى ئاسایشەوە رێگرى لە کەسێک کردووە و پارە و مۆبایلى لێوەرگرتووە

KNN : Kurdish News Network
07:51 - 07/04/2021
کوردستان

پۆلیسی هەولێر رایدەگەیەنێت؛ گەنجێکیان دەستگیرکردووە کە بەناوی ئاسایشەوە رێگریی لە کەسێک کردووە و پارە و مۆبایلی لێ وەرگرتووە.

لە راگەیەنراوێکد پۆلیسی هەولێر رایگەیاند: بەشی پۆلیسی فریاکەوتنی هەولێر، تۆمەتبارێکیان بە ناوی (ا. ص. م) لە شەقامی (100) مەتری لە نزیک (فامیلی مۆڵ) دەستگرکرد، کە لە گەڕەکی هەولێری نوێ بەناوی ئاسایشەوە رێگریی لە هاووڵاتییەک کردبوو و پارە و مۆبایلی لێ وەرگرتبوو.

ئەوەش باسکراوە، تۆمەتبارەکە کەسێکى مەدەنییە و هیچ پەیوەندییەکی بە هێزەکانی ئاسایشەوە نییە، دوای دەستگیرکردنی، رادەستی پۆلیسی نەهێشتنی تاوان کراوە.

219 جار خوێندراوەتەوە