لە ئەمەریکا؛ تا ئێستا بەکارهێنانی ڤاکسینی کۆرۆنا بۆ منداڵان پەسەند نەکراوە

KNN : Kurdish News Network
06:04 - 30/03/2021
جیهان

دکتۆر عەلی حەمە ئەمین، مامۆستا لە بەشی لێکۆڵینەوە و تەندروستی لە زانکۆی ڤێرجینیا پۆلیتیک دەڵێت: هەرچەند تا ئێستا ژمارەیەکی زۆر هاوڵاتی ئەمەریکا ڤاکسینی کۆرۆنایان پێدراوە، بەڵام تا ئێستا بەکارهێنانی ڤاکسین بۆ منداڵان پەسەند نەکراوە.

 

 
دکتۆر عەلی حەمە ئەمین، مامۆستا لە بەشی لێکۆڵینەوە و تەندروستی لە زانکۆی ڤێرجینیا پۆلیتێک بە دەنگی ئەمەریکای راگەیاندووە،لەگەڵ کەمبوونەوەی توشبوون و مردنیش بە کۆرۆنا، بەڵام تا ئێستا هەندێک ناوچە هەن لە ئەمەریکادا تۆمارکردنی توشبون بە کۆرۆنا لە ئاستێکی بەرزدایە، بەڵام بە شیوەیەکی گشتی لە تەواوی ئەو وڵاتە بەرەو کەمبوونەوە دەڕوات.

 

 و دەشڵێت، لە ئەمەریکا زیاتر لە (93)  ملیۆن کەس ڤاکسینی کۆرۆنایان وەرگرتووە و لەو ژمارەیەش زیاتر لە (50) ملیۆن کەس هەردوو جارەکە ڤاکسینەکەیان وەرگرتووە و دەڵێت، " نزیکەی نیوەی ئەو کەسانەی تەمەنیان لە سەرو 65 ساڵیەوەن و ئەوانەش کە نەخۆشی درێژخایەنیان هەیە لە ئەمەریکا، ڤاکسینەکەیان وەرگرتووە".

 

لە ئەمەریکا، (31 ملیۆن و 38 هەزار و 550) کەس توشی کۆرۆنا بوون، (563 هەزار و 259)کەس گیانیان لەدەستداوە و (23 ملیۆن و 510 هەزار و 51) توشبوش چاکبونەتەوە.

114 جار خوێندراوەتەوە