لیژنه‌ی باڵای ته‌ندروستی و سه‌لامه‌تی له‌ عێراق، رایدەگەیەنێت؛ نابێت به‌كارهێنانی ڤاكسینی كۆرۆنا له‌ ده‌ره‌وه‌ی دامه‌زراوه‌ فه‌رمییه‌كان بێت، دەشڵێت؛ پێویستە وەزارەتى پەروەردە به‌دواداچوون بۆ داخستنی سه‌رجه‌م قوتابخانه‌ ئه‌هلییه‌كان بكات.

ئەمڕۆ هەینى، لیژنه‌ی باڵای ته‌ندروستی و سه‌لامه‌تی له‌ عێراق لە بەیاننامەیەکدا رایگەیاند: به‌پێی رێككاره‌كانی خۆپارێزی، پێویسته‌ رێگری له‌ كۆبوونه‌وه‌ی جه‌ماوه‌ری بكرێت و هەروەها كاتی كردنه‌وه‌ی ده‌رمانخانه‌كانی له‌ رۆژانی قه‌ده‌غه‌ی هاتوچۆی ته‌واو یان سنوردار، ده‌بێت‌ تا كاتژمێر (08:00)ی شه‌و كراوه‌ بن‌.

لەبارەى بەکارهێنانى ڤاکسینى کۆرۆناشەوە، لە بەیاننامەکەدا جەخت لەوەکراوەتەوە، رێگە پێدراو نیە بەبێ رەزامەندى وەزارەتى تەندروستى و لەدەرەوەى دامەزراوە فەرمییەکان، ڤاکسینى کۆرۆنا هاوردە بکرێن یان بەکاربهێنرێت.

ئاماژەى بەوەشکردووە، پێویستە وەزارەتى پەروەردە به‌دواداچوون بۆ داخستنی سه‌رجه‌م قوتابخانه‌ ئه‌هلییه‌كان بكات

ئاماری گشتی کۆرۆنا لە عێراق:
توشبو (719121)
چاکبونەوە (653149) بە رێژەى (90.8%)
گیانلەدەستدان (13537)